У Баранавічах праводзіцца конкурс эскізных праектаў манументальнай скульптуры «Баранавічы – горад працоўнай славы. 1941–1945 гг.»
Мэтай конкурсу эскізных праектаў манументальнай скульптуры «Баранавічы – горад працоўнай славы. 1941–1945 гг.» (далей – конкурс) з’яўляецца пошук найбольш выразнага мастацкага адлюстравання з мэтай увекавечання подзвігу масавага працоўнага гераізму і самаадданасці працаўнікоў тылу ў гады Вялікай Айчыннай вайны на тэрыторыі горада Баранавічы.
Арганізатарам конкурсу з’яўляецца Баранавіцкі гарвыканкам. Удзельнікамі конкурсу могуць быць скульптары, архітэктары, кавалі, якія маюць адпаведную прафесійную адукацыю.
Конкурсныя матэрыялы павінны быць прадстаўлены з тлумачальнай запіскай з абгрунтаваннем прапануемага праекта і разлікам яго прыкладнага кошту, а таксама генеральны план у маштабе 1:500, праектнае горадабудаўнічае рашэнне прасторы з памятным знакам ці з малой архітэктурнай формай, візуалізацыю архітэктурна-пластычнага рашэння твора манументальнага мастацтва і мадэль памятнага знака ці малой архітэктурнай формы ў маштабе не менш за 1:10. Эскізны праект павінен быць прадстаўлены на цвёрдым планшэце памерам 1,0 х 1,0 м.
Кампазіцыйнае і пластычнае выкананне манументальнай скульптуры «Баранавічы – горад працоўнай славы. 1941–1945 гг.» павінна быць у выглядзе стэлы, вытрымана ў найлепшых традыцыях класічнага і нацыянальнага манументальнага мастацтва. Стэла вышынёю не больш за 15 метраў павінна быць усталявана на пляцоўцы каля будынка на вул. Савецкай, 79, з улікам візуальнага ўспрыняцця помніка з розных бакоў.
Для прыняцця ўдзелу ў конкурсе ў тэрмін па 26 лютага 2025 г. уключна, не пазней 17.00, падаецца заяўка па форме, якую можна знайсці на сайце Баранавіцкага гарвыканкама , патрэбна падаць конкурсныя матэрыялы на адрас: 225409, г. Баранавічы, вул. Горкага, 20, каб. 217. Тэлефон для даведак: +375 (163) 60-32-62.
Пры парушэнні ўмоў конкурсу і правіл афармлення і прадстаўлення конкурсных матэрыялаў праект не разглядаецца. Конкурсныя матэрыялы разглядаюцца журы на закрытым пасяджэнні не пазней 10 сакавіка 2025 г.
Вынікі конкурсу публікуюцца ў тыднёвы тэрмін пасля вынясення рашэння журы на афіцыйным сайце гарвыканкама.
Пераможца конкурсу атрымлівае права на стварэнне манументальнай скульптуры «Баранавічы – горад працоўнай славы. 1941–1945 гг.» у адпаведнасці з заканадаўствам.
