Цудоўны падарунак да навагодніх свят атрымалі беларускія матулі. Указ аб узнагароджанні шматдзетных маці падпісаў Прэзідэнт Беларусі Аляксандр Лукашэнка.

Высокай узнагароды за нараджэнне і выхаванне пяці і больш дзяцей згодна з Указам № 470 ад 23 снежня 2024 года ўдастоены прадстаўніцы розных сфер дзейнасці – работніцы адукацыі, гандлёва-вытворчых арганізацый, хатнія гаспадыні.

Гэта Бандарчык Кацярына Аляксандраўна, бухгалтар таварыства з абмежаванай адказнасцю «Логаз», г. Баранавічы; Дзядкова Кацярына Аляксандраўна, настаўніца Цешаўлянскай сярэдняй школы Баранавіцкага раёна; Дубоўская Алена Сяргееўна, педагог сацыяльны Навамышскага дзяржаўнага аграрнага каледжа Баранавіцкага раёна; Малейчык Кацярына Мікалаеўна і Сабалеўская Алена Аляксандраўна – хатнія гаспадыні з г. Баранавічы.

Сёння ў нашай дзяржаве створаны ўсе ўмовы для таго, каб нараджаць і гадаваць дзяцей. Але ніякі ордэн ці другія знакі пашаны не заменяць цеплыні дзіцячых далонек,  шчаслівага смеху сыночкаў і дачушак. Вось гэта і ёсць галоўныя мацярынскія набыткі.

Віншуем!