Лепшыя творчыя працы інтэрактыўнай экспазіцыі “БАГДАНОВІЧ. МАЛАДЫЯ ЖАДАННI” дэманструюцца у галерэях і выставачных залах універсітэтаў. На гэтых двух тыднях, па 16 снежня, яе можна будзе пабачыць у Баранавіцкім універсітэце, далей яе прыме Гродзенскі дзяржаўны ўніверсітэт імя Янкі Купалы.
Дагэтуль выстава працавала ў Гомельскім дзяржаўным універсітэце імя Францыска Скарыны, у Магілёўскім дзяржаўным універсітэце імя А.А. Куляшова, Віцебскім дзяржаўным універсітэце імя П.М. Машэрава.
Культуралагічны праект «ГРАНІ ТВОРЧАСЦІ» рэалізуецца па ініцыятыве аддзела соцыякультурных праектаў Нацыянальнага цэнтра мастацкай творчасці дзяцей і моладзі ўпершыню ў Рэспубліцы Беларусь.
I Рэспубліканская выстава студэнцкай творчасці «ГРАНІ ТВОРЧАСЦІ праходзіла сёлета з 31 мая па 5 ліпеня ў галерэі «Ракурс» Нацыянальнай бібліятэкі Беларусі. Выбар тэмы-дэвізу творчай выставы «Багдановіч. Маладыя жаданні» не выпадковы. Выстава экспануецца з нагоды 125-годдзя з дня нараджэння беларускага класіка Максіма Багдановіча. Экспертнай групай выставы адабрана 100 творчых работ.
Творчыя дасягненні Баранавіцкага дзяржаўнага ўніверсітэта ў вобласці дэкаратыўна-прыкладнога мастацтва на выставе прадстаўлены ўдзельнікамі гуртка дэкаратыўна-прыкладнога і выяўленчага мастацтва аддзела культуры і творчасці (кіраўнік Л. Р. Капуза) і членамі творчага аб’яднання выкладчыкаў і студэнтаў «Сілуэт» кафедры дашкольнай адукацыі і тэхналогій (кіраўнікі Т. М. Лукашэвіч і Т. М. Дзямідава).
На Рэспубліканскай выставе прадстаўлена 9 работ нашай установы. Усе работы, выкананыя таленавітымі студэнтамі ўніверсітэта, высока ацэнены экспертнай групай рэспубліканскай выставы.
Гурток дэкаратыўна-прыкладнога і выяўленчага мастацтва атрымаў дыплом «Гран-пры» выставы.
Дыпломамі пераможца ў намінацыі «Канцэптуальны візуальны сэт» узнагароджаны:
Міхнюк Ганна, Чашэйка Ганна, група ТС-51 (кіраўнік Т. М. Лукашэвіч);
Віткоўская Кацярына, група ТС-51, Лопух Марыя, група АПВ-21 (кіраўнік Л. Р. Капуза);
Віткоўская Кацярына, група ТС-51 (кіраўнік Л. Р. Капуза);
Бугрова Вікторыя, група ТС-51 (кіраўнік Л. Р. Капуза).
Дыпломамі пераможца інтэрнэт-галасавання ў намінацыі «Глядацкія сімпатыі» ўзнагароджаны:
Гапановіч Алена, група АПВ-11 (кіраўнік Т. М. Дзямідава);
Шчэбет Надзея, група АПВ-11 (кіраўнік Л. Р. Капуза).
Дыпломамі ўдзельніка ў намінацыі «Канцэптуальны візуальны сэт» узнагароджаны:
Бадак Кацярына, Крывадубская Ірына, група ПТ-41 (кіраўнік Т. М. Лукашэвіч);
Гапановіч Алена, група АПВ-11 (кіраўнік Т. М. Дзямідава);
Лопух Марыя, група АПВ-21 (кіраўнік Л. Р. Капуза);
Качан Маргарыта, група ТС-51 (кіраўнік Л. Р. Капуза);
Цэван Лілія, група ТС-51 (кіраўнік Л. Р. Капуза).
Дыпломам удзельніка ў намінацыі «Летэрынг» узнагароджана Шчэбет Надзея, група АПВ-11 (кіраўнік Л. Р. Капуза).
Установа адукацыі «Баранавіцкі дзяржаўны ўніверсітэт» узнагароджана дыпломам «За ўдзел у Рэспубліканскай выставе».
Строгі адбор творчых работ на Рэспубліканскую выставу не дазволіў ўдзельнічаць у выставе ўсім студэнтам баранавіцкай установы, якія захапіліся творчасцю і выканалі работы. Яшчэ 33 работы экспануюцца з 30 верасня ў холе кафедры дашкольнай адукацыі і тэхналогій на выставе “Творы М. Багдановіча – крыніца натхнення”.