Сёлетняя экспедыцыя – 24-я па ліку. Яна традыцыйна праходзіць па розных гарадах і вёсках нашай краіны напярэдадні Дня беларускага пісьменства.
У складзе экспедыцыі – духоўныя асобы, вядомыя навукоўцы, літаратары, журналісты. Яны нясуць людзям Благадатны Агонь ад Гроба Гасподняга і асветніцкае слова.
Экспедыцыя пройдзе па трох абласцях: Брэсцкай, Гродзенскай і Віцебскай. Яе ўдзельнікі наведаюць дзясяткі гарадоў і вёсак. Па традыцыі яны завершаць свой шлях у сёлетняй сталіцы Дня беларускага пісьменства – Полацку.
Плануецца, што ў Баранавіцкі раён члены экспедыцыі завітаюць 30 жніўня.
У гэты дзень адбудзецца ўрачыстая сустрэча, крыжовы шлях з Благадатным Агнём на Святое поле, раздача Агню на свечкі, а таксама сустрэчы з вернікамі.
Іна ГАНЧАР.
